facebook
20211211_172310 (1).jpeg
www.amilcaresolferini.com

 

Cantamessa Maria Teresa

1° Classificata Categoria Poesia  Gipo Farassino 2020

20211211_190821.jpeg
 

Susta d'arlass
( Prima sèl Nivolèt )


La vos dél vent sarvan che fòrt a uca,
sè sbardla tra pinere e tra ij busson,
rastela ii pra molzin èd la pastura,
portand a spass le nìvole masnà.
Le cite fior s'amuso'nt na balada
sbrincià dal ri, ch'a-i sisla d'arcancei
tan ch'as dèsmora tra le rive e ii ròch,
fogos dla gòl èd soa gioventura.
Èl crii d'ardò'd marmòte 5entinele,
tèmrose dj'ombre d'ale ch'a viròlo,
as perd drinta le tan-e ch'as ancrosio,
arpar sicur an fauda a mare tèra.
E l'anima as alva a sèrchè'l cel,
stérmà soens da mila ronze e spin-e
e'mpèrzonà dai d, èd mila antrap,
sustand n'arlass èd bin an sò doman.

 

 

Rimondotto Anna Maria

2° Classificata Categoria Poesia Gipo Farassino 2020

screenshot_20201110-190544_camscanner.jpeg

 

Sergio Donna

3° Classificata Categoria Poesia Gipo Farassino 2020

Neuit d’anciarm

 

Ël cel a l’é na seda brodà d’òr:

milanta stèile a luso tërmoland:

a smijo ij lumèt lusent ëd tanti ujin,

tuti ch’a vardo ’n giù vers ël Bambin.

 

Ma a-i é na stèila ancor pì bërlusenta:

l’é la comëtta e chila a col citin

a sghicia l’euj. Marìa jë stà davzin:

lo cun-a e a lo cudiss con sò pasiant

 

soris. Che bel ch’a l’é Giusèp, le man

crosià su sò baròt, antant che l’aso

a fà la pòsta al cit; e ’l beu ch’a bufa

scaudandlo con sò fià, drinta la grangia,

 

veul pa ch’a së sbaruva o ch’as dësrangia.

Në sbrof ëd paja a-i manca da la grupia:

a l’é servìa al Bambin come bërlecia.

A-i rivo ’dcò ij pastor e le bërgere

 

co’ ij bèro, j’anie, e le fassin-e ’d bòsch.

A-i é Gelindo, con soa sësta ’d gora,

ch’a pòrta soe robiòle e ’n pò ’d seirass.

S’anchin-a la Madòna e a basa ’l Cit

 

e Chiel a-j dà në sguard satì d’amor.

Giusèp a dis ël bin... E an col moment,

as fà pì bërlusenta la comëtta,

për anluminé ’d lus la cabanëtta,

 

për arcordé ai pòpoj e a la gent

che col Bambin a l’é nà mach për salvene.

A l’é ’n citin dlicà, fràgil e biot:

Chiel, ch’a l’é Rè, l’é fasse fieul ëd l’òm,

 

l’é fasse s-ciav, ùltim ëscart, pòvr òm...

A ’nton-o j’àngej l’Adeste fidelis!

La neuit a l’é n’anciarm, tuta ’mbiancà

ëd fiòca, ’d lus, d’amor, e ’d Soa bontà.

Create Website with flazio.com | Free and Easy Website Builder