Premiati
6° Concorso Letterario Nazionale Amilcare Solferini 2023
Premiati
2° Concorso Lingua Piemontese
Gipo Farassino 2023
Avataneo Giuseppe
1° Classificata Categoria Poesia Gipo Farassino 2024
'L SOL
As nunsia con na smòrta lus reusa,
oltra le sime frangià
d'le montagne
Peui 'n prim timid singol ragg
fa baboja
sbalucand lë sguard atent
Pian,pian;
prima 'n brass, peui la testa,
peui na gamba,peui l'autra
e l'autr brass
Coma ardì alpin
conquista la sima
e s'aussa trionfant,
parej s'aussa chiel
ant so lusent vigor
Anluminé e dësvije
deserte campagne,
gasojanti bòsch,
infinì,ondolant mar
e andurmì pais e sità
Cômeñssa parej ël grand viagi
che l'portrà,a la fin dël dì
quand,strach,armettrà el post
a la smòrta lun-a
Sacco Marisa
2° Classificata Categoria Poesia Gipo Farassino 2024
lj vej mësté 'd campagna
lj mè pensé a van për la campagna
con j' arcòrd ch'a m' abandon-o mai,
la cassinòta ariosa dij mè vej,
la pas ch' a së sposava con el travaj.
Vàire mësté fasìo ij nòstri vej,
sota 'I sol, anti j camp o an mes a l' èira,
a tajé 'I fen e 'I gran a l' amson
da la matin bonora fin-a a la sèira.
Nòna, virand ël fen a cantava na canson
sota 'I sol ch' anciocava la campagna.
Dëscàuss, noi masnà portavo da mangé
e a l'ombra d'un moré posavo la cavagna.
Nòno an salutava con el capel
e a në mnisìa ancontra con el caval.
Ansima na tovaja pariavo nòst disné,
setà a l'ombra ant un fossal.
Na bela mica 'd pan e 'n gròss salam,
un pò 'd salada ansema a na frità
e për dëstissé la sej da la fatiga,
na bota 'd vin pe-na dëstopà.
A la sèira ant la cort dla cassin-a
a j' era 'ncora da fé tanti travaj:
guerné ij cunij e tuta la polaja,
monze le vache e ciadlé ij cavaj.
Ancheuj, tuti ij travaj a son cambià:
tanti machinari e 'd gròss trator
a-i dan na bela man ai contadin
solevandje la fatiga e 'n po' 'd sudor.
As sent pì nen canté an cassin-a
a spané la melia sota la cormà;
ora, ant le vigne 'd face forëstere
a canto la canson d'un pais crasà.
A-i resta mach pì un pòch ëd nostalgia,
dël temp passà a-i è mach pì l' arcòrd.
A l'è 'dcò 'ndasne 'n tòch ëd poesia
e ij vej mësté, giumai son tuti mòrt.
Marco Motto Ros
3° Classificata Categoria Poesia Gipo Farassino 2024
BOCON ED PAN, TOCH ËD CHEUR.
Quanta smijansa an coste doe ròbe
che pura a smijo così tant diverse
Na mica sla taula a ritarda s-ciapà
për sostenté la famija radunà;
a casco le frise, mute e lingere,
a pontajesse dosse sla taula prontà,
come le stisse del sangh ch'a robata
da le blessure d'un cheur malavi.
Bocon ëd vita, tòch ëd cheur,
spantià apreu la fin d'un amor,
sbardià ant ël nòstr përfond
e mai ramassà vìa, an fond
A son arcòrd ëd moment vivù,
a son frise d'un amor giumai s-ciapà,
epura, a manca l'ardiman de scoé vìa tut,
come quand, a la fin dël disné,
sël mantil a resto frise 'd pan,
slargà a la bela mej, sensa gnun ardriss.
Frise, frise d'amor,
restà a sostenté un malavi cheur,
e come le frise dël pan a-j gavo la pi gròssa a j'oslét,
cole-là dij arcòrd a gavo la pi gròssa a l'ànim nòstr!!